أحمد حلمى: مارحتش العرض الخاص لفيلم منى بسبب اللوك الجديد

كان النجم احمد حلمى كعادته ساخراً وضاحكاً حتى من الشائعات التى تمس سمعة اسرته ، قال على الهاتف لمعتز الدمرداش : أنا مارحتش العرض الخاص بتاع فيلم منى زكى ، رحت عرض خاص صغير عزمنى عليه الاستاذ يسرى نصر الله علشان مكنتش عايز اظهر وسط الناس واحرق لوك الفيلم الجديد
ساله معتز عن رأيه فى الفيلم فقال : كنت مبسوط بيه جداً خاصة وان منى بقالها اكتر من سنتين ماعملتش حاجة، عجبنى المزج بين عالم يسري نصر الله وعالم وحيد حامد .
قال معتز : فيه اشاعات اتقالت ان الفيلم عمل بينكم مشكلة ؟
رد حلمى : مش الفيلم بس دايما فيه اشاعات و90% منها مش باعرفها الا من امى وحماتى !! السنة اللى فاتت مثلا اتقال اننا حجينا سوا وصحيح انها اشاعة كويسة ويارب نحج تانى لكن احنا حجينا من 3 سنين !!!
كان مرة ضرس منى واجعها وخدها وارم اتقال ان احمد حلمى ضرب منى على وشها !!
أضاف حلمى : نفسي الناس تركز فى شغلها وحتى لو المقابل قليل الاهم هو الاخلاص فيما تفعله والعائد ممكن ييجى من حته تانى خالص
قال معتز : لما بتصحى الصبح منى بتفطرك ايه ؟
- منى ست بيت ممتازة بس احنا فى الغالب بندخل على الغدا على طول ، وهى شاطرة جدا فى البلدى والحاجات اللى زى البيكاتا

روابط متعلقة:
شائعات عن طلاق منى زكي و احمد حلمي
احمد حلمى: سخونة منى زكي لم تغضبنى - و دفاع الوسط الفني عنها
الفنانين والنقاد يدافعون عن منى ذكي فيلم احكي يا شهرزاد
فيلم احكي يا شهرزاد منى ذكي 2009