السلام عليكم ورحمة الله وبركاته

اهلا بيكم:36:
النهارده جيبلكو موقف يموت من الضحك لواحد عايز ينام ومش عارف:100:

يلا اسيبكوا تتضحكوا


الأب: اصحى يا حبيبى
الواد محمد:بعدين يابابا
الآب:اصحى يا ابنى عندك كلية النهاردة
الواد محمد: لسة بدرى يا بابا كمان ساعتين ثلاثة صحينى
الأب:بدرى ايه يا ابنى ده الساعة بقت 10 وأحمد أخوك بيقول عندك محاضرات مهمة النهاردة
الواد محمد:فكك يا بابا وسيبنى أنام شوية الواد ده مش عارف حاجة
الأب: فكك .
.طيب .. قوم يا ابنى علشان تلحق محاضراتك
الواد محمد: ان شاء الله ... بس روح انت دلوقتى
الأب: 10 دقايق وتكون قمت فاهم
الواد محمد: ياعم روح هو الواحد مش يعرف ينام له شوية ف البيت ده
الأب: بتقول ايه يا واد
الواد محمد: ولا حاجة يا بابا .. يافتاح يا عليم
الأب:طيب قوم ولا ناوى تسقط لى السنة دى كمان
الواد محمد: لأ .. مش تخاف مش ينفع اعيدها مرتين
الأب: قلت ايه يا واد
الواد محمد:كبر دماغك بقى يا عم
الأب: ايه الكلام الغريب ده يا ابنى فكك.. كبر
الواد محمد: معلش أصلى لسة ما اصتبحتش .. صباح الخييييييير
الأب:أما نشوف آخرتها معاك ايه مش عارف تبقى زى أخوك أحمد
الواد محمد: ان شاء الله هبقى زى الفاشل التانى
الأب: يالا قوم وانزل مع أخوك
الواد محمد: ماشى .. ماشى::( وبيكمل نوم)
الأب:قوم يا حيوان قدامك 10 دقايق تكون لبست فيهم .. قوم يا فاشل
( الأب بيهزأ محمد وبيستحلف له وهو خارج من الأوطةفى نفس الوقت أحمد أخوه بيدخل)
الواد محمد: قلت لأبوك انى عندى محاضرات النهاردة
أحمد: هو اللى سألنى وانا جاوبت
الواد محمد: واله لأفضحك .. تحب اقوله انك ساقط وبتعيد السنةولا أسيبه على عماه
أحمد:لا..لا.. الله يخليك أنا مش ناقص
الواد محمد:ماشى.. روح بقى جيبلى علبة الجل بتاعك
أحمد:ايه هنبتدى الاستغلال ما انت عندك علبه لسة ما اتفتحتش
الواد محمد:هاااااااه..هتروح تجيبها .. ولا .. أسيح لك وأفضحك
أحمد: لأ.. أعوز بالله
( وهو خارج من الأوطة بيبرطم والواحد محمد ولع سيجارة وهو قاعد لسة ع السرير وبيتصل على صاحبه .. حسين)
حسين::آلوو.. مين؟؟؟
الواد محمد:أنا محمد .. فوق يا ابنى انت لسة نايم
حسين::انت عارف الساعة كام .. لسة بدرى
الواد محمد : ده الساعة بقت 10وانت لسة نايم
حسين::وأصحى بدرى كده اعمل ايه
الواد محمد:اصحى ننزل الكلية
حسين:: أنا نايم الفجر , وانت ايه اللى مصحيك بدرى كده؟؟
الواد محمد: أبويا .. مش بيهمد مادام صحى يبقى لازم البيت كله يصحى
حسين::الحمد لله.. أنا أبويا ميت
الواد محمد: هتصحى امتى؟؟
حسين::أشوفك ع الساعة 1
الواد محمد:ماشى أقوم أنا ألف لى شوية فى الساعتين دول .. اوعى تتاخر عليا
حسين::ماشى .. ماشى .. امشى بقى عايز أنام
الواد محمد : سلام
( محمد لسة بيشرب فى السيجارة وفجأة أبوه دخل محمد لحق يحطها فى بؤه)
الأب: انت لسة ما قمتش يا حيوان
الواد محمد: طبعاً ساكت ما بيرودش
( أصل السيجارة فى بؤه)
الأب : مالك يا ابنى وشك احمر كده ليه وعنيك برقت كده ليه
( اصل ياعينى محمد كاتم الدخان لا يطلع)
الأب: عيال آخر زمن يالا قوم يا حيوان
( الاب قال الكلمتين دول وهو خارج من الاوضةوأحمد داخل )
الواد محمد: أشهد أن لا اله الا الله.. أبوك كان هيموتنى
أحمد: طيب .. يالا قوم بقى
الواد محمد: اطلع بره.. وسد الباب.. تصبح على خير

اتمنى انكم تكونو فرفشتو وخصوصا اننا فى الزفت الدراسه:k_crying77:

باااااااااااااااااااااااااى